bleached ripped 80s jeans

後生時代無錢係正常,當其時興vintage,小朋友出街指定制服幾乎變成二手牛。平均二、三百大元有交易,要有一兩條替換都唔難。要同全港小朋友係屈指可數既幾間vintage shop爭買當中得幾條真係靚既古牛，當時我梗係慘敗啦。那時銅鑼灣銀座仲幾好行,眾小店裡頭有一間賣自家diy潑墨洗水爛牛，索價四百多，一見鍾情。其時還要穿校服，個個星期著,到後來終於擺脫校服,幾乎日日著。著到一個地步係條褲真係就來分裂,才意會到無可能一條已經咁爛既褲可以比我著一世，急急買過條，於是就暫且放底左佢。後來人長大了點,貪慕虛榮，愛買品牌,有一陣子不穿舊貨。後後來，情迷歐洲街頭造形，又爛過一排。再過渡到現時skinny tights, rolled up/cropped pants, 80又回歸，Christophe Decarnin上位,漂、爛牛好像榮譽再臨。再有Givenchy的西部denim+chaps look,好此道的同志當然拍手叫好,身邊已有好友率先上陣。我受不住把皮拉上腳，就改為denim加黑lace(多得早排LC同Joyce的bazzare,拾到好多筍野)。翻一翻衣櫃，有元祖潑墨洗水爛牛，有Christopher Kane式的淺白爛牛，也有螢光黃激窄爛牛，只欠一條Balmain式的漂染爛牛，呵呵呵。