續

關小姐尾場個show係幾好睇,我不是她粉絲,擔心過入到去無共鳴,會悶。可能又係無期望所以無失望,蠻好,也感動。只聽名字,很多miss關唱了的歌我都唔識,因我只拉車邊算80年代出生,到我有意識的時候已快90年了。不過星就是星,原來很多她的歌我都聽過,還頗有印象,不懂歌名也知歌詞,唱不出也啍到兩咀,與場中大部份人相反,我最熟的可是進化論,帶我去跳舞及關於我。感動的,關小姐真人不算冷淡,不認識她最多說她有點怪吧(也不算怪了,香港地大把怪人)。不算短的演唱會,一下子就到尾聲,不覺得久,也是歌手的功力,氣氛也居功不少,但滿場男人也太過.......不讓Sandy專美。究竟,我還是不夠老去見証這演唱會。
身又痕,想買衫,買咩好?成日都好想季頭好形咁去買正價貨,好似不用睇價錢咁,更唔使同人爭,我買先,我著先。不過荷包唔爭氣,又未有一件見到即刻要擁有的。其實開季看到一件Hussein的中袖恤,索價二千,不用考慮兩三天已不復見,內部認購認真快手!為何我沒有朋友在職I.T呢,D-mop也好,Joyce或Shine也好,麻煩朋友們爭氣少少,搵扮好工,包你搵到好老公。都可以考慮自己爭氣,有一日唔使睇價錢牌做人。