又係燒粟米咁Q

大概，你同我都有過這樣的時候吧。

先講自己的。

1.某日，行過agnes b，拎了幾張宣傳單張，其中一張係關於兩條友搞o既Project，叫Project Early，內容關於音樂、影像、商業設計等等，總知乜都有。
2.番到屋企，未有閒情逸緻看住，跟手就放疊Card在電腦枱上。
3.又某日，看到同事介紹了自然捲的CD，話喜歡pancakes的人會鍾意，於是借了回家聽。
4.聽過一次，都可以的。由於HiFi在電腦枱上，於是自然捲也放在電腦枱上，和其他CD疊在一起。
5.再某天，我將枱前的CD拎走。第一張就是自然捲，封面插圖幾得意，我定晴看了一會。
6.見到Project Early張Postcard，好奇之下，去上佢個網望下。
7.其中一個搞手竟然係自然捲的發起人。

咦！？

就係咁Q。日常生活中，不知有幾多看似毫無關係的事，其實大有關連。這樣的巧合，往往都由小事而起，淡淡的、大多不著痕跡，轉過頭已忘記。但知道他們有路後，心入面都會想「咦」，口又會講「咦」，雙眼又會「咦」咁撐大o的(講下咋，對眼邊識咦)，總能為平凡的生活點起火花。說起上來，咁Q本身的意思都豐富o左。咁Q其實係描述一件事，但往往描述埋心情。舉個例，看到欣宜減肥會感到開心；看到欣宜扮白雪公主會感到嘔心；看到欣宜嘴了吳卓羲一啖會感到痛心；呢頭睇完欣宜的文果頭見到佢上報紙，只會感到.....咦，咁Qo既。實情是應該感到驚訝先係。(其實我倒配服佢有勇氣扮白雪公主啊)

最近，村上春樹出了本書，叫東京奇譚集，內容就係講五段這樣的故仔(其實平時冇看開他的作品，看它都係咁o岩得咁Q)。書後面的一段文字寫得好，勾勒出巧合的奇妙之處：

契機比什麼都重要。偶然的一致，說起來也許是到處普遍存在的現象。也就是說那一類的事情在我們周圍，是日常經常發生的。但我們大半沒有留意到，就那樣忽略過去了。就像大白天射向天空的煙火一樣，只聽到微弱的聲音，就算抬頭望向天空也什麼都看不見。可是如果我們有強烈追求的心願的話，那可能就會在我們的視野裡，以一個訊息浮現出來。變得可以鮮明清晰地讀出那圖形和意思來。

這段文字其實是抽自書中第一個故仔，叫「偶然的旅人」。內容講述一個同性戀的男人，在Coffee shop內因為和一個女仔看同一本書而相識的故事。一輪了解後，個女仔因為患有乳癌，所以想和那男人發生關係。不過男人拒絕了，最後也沒有相戀。但是，因為那女仔的耳朵有顆痣(好似咁上下)，和他一向相處唔好的家姐一樣，所以當主角想起這個女仔，就致電給那個成10年冇搵過的家姐。巧合地，家姐原來又患有乳癌，好快就入醫院了。主角當然愕然啦，最後就找了家姐，接著冇事並同家人好番云云。但，那個女仔最後都遇唔番了，那管他久唔久在他們相遇的地方。

巧合的感覺真是很奇妙，雖非大悟，亦很恍然。

朋友最近又發生這樣的事。
2月26日
「終於看了John Scofield plays the music of Ray Charles很喜歡
很出色的performance
場內很多鬼佬很多達官貴人
還有田北辰李國章
李國章一早就走人 田北辰卻睡著了...身不由己 真陰公
突然想起陳芷WinG的一個問題: prefer踢波or音樂了得的男生
我的答案很明顯因為我會看不起那些只管聽canton pop 對音樂一竅不通的傭俗男生
田北辰 你俾我扣晒分喇!」

3月1日
「收到email -- 3月11日訪問田北辰
??咁邪門??
一連串問題湧出::你係咪唔鍾意Jazz嫁?
唔鍾意點解要睇John Scofield既?
如果唔係, 點解又會訓著左既?
... 未死過」

如果我係田北辰，我會答：我其實最鍾意一路聽住Jazz，一路恰眼睏。

唔知又會唔會咁Q呢。

啊！寫到這裡，心入面暗自拍了額頭一下，說了句哎吔，講到巧合，又怎能不提及這段往事呢？是我的人生入面十大事件之一，位列三甲啊！下次再說。