被遺忘的

最近心情在谷底，至今仍未平復

想講講一些被遺忘的人，是次對象 puffy 。 想當年小學的時候，愛極日本女星如吉川日奈、內田有紀及廣末涼子﹝松隆子是後話﹞。但 puffy 的出現，使我第二次接觸到名牌效應與歌手的互惠互利關係﹝首次當然是 bjork﹞。 red wing 、evisu、takara dollz 等等，對年少無知的我來說簡直是 the queenz of asian fashion！ 作為日本女子組合，她們的歌也不賴，到現在我還有印象的包括 mother、亞細亞之純真、這是我的生存之道、 v.a.c.a.t.i.o.n. 等等﹝奧田民生居功至偉﹞她們在香港也有不少粉絲，而且更來港在 hitec 舉行過兩次演唱會呢~ 想當年我初玩 icq 的時候首位 netfriend 便是她們在香港的粉絲啦~

但不記得何時開始，人們漸漸遺忘了她們~ 外娛版由一大版專訪變成郵票位，叫人有印象的新聞只有 yumi 和 t.m. revolution 的婚姻...

我卻沒有忘記她們。 尤其是她們的一隻 PRMX ，首首也是佳作！﹝日本樂壇對製作 remix 是非常認真！﹞當我知道 PRMX 會推出第二集時，更想過走到日本水貨鋪訂！幸運地，一齣 cartoon network 的《teen titans》叫 puffy 從谷底反彈﹝在我而言她們從未谷底過﹞，更把她們帶到美國去~ ﹝叫松田聖子、宇多田光恨得牙癢癢，嘻嘻﹞也改名為 puffy amiyumi。

還是提提她們沒有在香港推出行貨的唱片吧~


《PRMX TURBO》、 PRMX 第二回，有 P5 的小西康陽啊~


《nice》，一個幽默的封套﹝那根本是 yoko ono & john lennon 呢~﹞爽勁的 pop 有 Planet Tokyo，更有ska 的 k2g，一首喚醒我對她們留意的歌﹝我是在週末的卡通時段從《teen titans》的其中一集聽到此曲才知道她們是《teen titans》的主題曲主唱者﹞而且呢，她們請了前 indie pop 樂團 jelly fish 的成員 Andy Sturmer 作監製，於是乎全碟充滿我至愛的 indie pop 之音。﹝大家可以在我的 ipod 中找到以上的唱片呢~﹞

繼而便是一系列的美版 re-issue 和 puffy amiyumi 的 cartoon series~ 《注：香港近日亦重現 puffy 的 Hi Hi Puffy Amiyumi: Music From the Series 行貨呢~~》

my recommendationz (after nice): Planet Tokyo、Friends Forever

網路發達，給我找到她們在北美 tour 的片子
http://youtube.com/watch?v=fSMh9K1Ovrc&search=puffy%20amiyumi%20concert

自己睇啦

昨晚看了斷背山,還是在油麻地百老匯看的呢,扮一下文化人(事前在廟街吃了一頓過飽的大棚檔,差一點就清到枱 ......兩件事都幾風馬牛不相及)。也是裝老影評的口吻,劇情不在這兒多說。我一個外行人還能發表什麼有見地的偉論?唯有從我們這一年代的角度出發吧。
不是電影人的我只懂說片子是否好看,從來都點不出哪裡好看,這一次我卻終於看多一點點。沒讀過原裝小說,有好些場口分不清是劇本精采還是導演厲害,但單憑好劇本沒有好導演,始終不會有好戲。戲中所有角色都沒有冷場,恰如其份。女角們什是動人,要激動有激動,要含蓄有含蓄,好一班上一代的怨婦。嚴選最愛場景不是大家都感動的位置,反而是戀人們最後一次在斷背山相會,Jack那看著Ennis除除離去的眼神,頓時和那年斷背山一夜纏綿後,Jack目送Ennis回到山上時的眼神重疊一起,好一個迴光返照。從前一別是明天再見,今日一走卻是陰陽相隔,"Time, is never enough",其實Jack也是怨婦一名呢(小說作者真的很了解同志,對白都直插心坎)。自年輕時斷背山一別後,往後除兩位主角相見的戲份,其餘都充滿著蒼涼及遺憾,更見相遇時難得的解脫,這就是導演的功勞吧。整部片子都表現著60s & 70s的美式蒼涼和無奈,現代人看了都覺自己的脆弱,試問現在誰人能想像在Jack小時候的環境長大的人心理會正常?哪一對可四年不見還一生一世?只怕現在一切都得來太易?上代的心靈如何的堅壯是我看後的最大感受之一,堅強如Jack是身体力行用他的人生來展示,儘管世代艱難,主角們都在拼命爭取自己所要的幸福。正如Jack老父的形容:就像他其他大部份的主意,都沒有成真。無奈與遺憾都快得到我的眼淚(鄰坐那男士早已悄悄哭成淚人,離場時還未能收拾心情動身,不要誤會,那絕對不是同行的友人)。離開時心情不太好(沒表現出來,其實是時候久了,愈回想愈加添感慨,真是一部令人思緒沉澱的電影),覺得自己已幸福得要下地獄,那種遺憾令我不安了很久,所以都要同行的人陪伴了一時(有心的~),害得他失去了不少寶貴的睡眠時間,我也慶幸是和你一起看言片子。不要遺憾,爭取幸福。
讀過影評已知Heath抆著咀說話,解為模仿牛仔因怕風沙或昆蟲在說話時飛進口的說話方法,但眼見其他演員如Jake都沒有此舉,真是難頂(佢直頭講到似含住棉花發開口夢!)。

阿信新書

五月天主音阿信推出新書，收錄了他為樂隊所寫的66首歌詞、感想、由岩井俊二專屬攝影師ivychen所拍的照片，以及新歌happy Birth day的CD。這本書，我原本打算送給她的，豈料她也預購了，所以就收歸我有。

我是因為她，才認識五月天的。

他們來自台灣，歌曲屬搖滾類，快歌慢歌，都帶有強烈的感染力，當然，阿信的詞是靈魂所在。我沒有將他們所有的歌曲聽過一遍，亦不是他們的死硬粉絲。但愛屋及烏，情意結倒是有點。每當我在電視上看見他們的演出時，都會SMS給她知，好讓她可以欣賞到；去到台灣，用著港式普通話四出找尋他們的產品；又試過通宵達旦，剪貼他們的卡通人像去整低能玩具作生日禮物送給她。自己也彷彿變成歌迷。

她的生日又到。於是瀏覽他們的網頁，看看他們的最新消息。最新消息就是阿信的新書了。正當惆悵怎樣購入這本在台灣推出的新書之際，翌日行過信和的唱片舖就見到，竟然還比她早一日入手。當然，如果不是她，我也不會買下這本書。

也好，書內收錄了我最喜愛他們的一首歌的歌詞，叫溫柔。

走在風中　今天陽光　突然好溫柔
天的溫柔　地的溫柔　像你抱著我
然後發現　你的改變　孤單的今後
如果冷　該怎麼渡過

天邊風光　身邊的我　都不在你眼中
你的眼中　藏著什麼　我從來都不懂
沒有關係　你的世界　就讓你擁有
不打擾　是我的溫柔

不知道　不明瞭　不想要　為什麼　我的心
明明是想靠近　卻孤單的黎明
不知道　不明瞭　不想要　為什麼　我的心
那愛情的綺麗　總是在孤單裡
再把我的最好的愛給你

不知不覺　不情不願　又到巷子口
我沒有哭　也沒有笑　因為這是夢
沒有預兆　沒有理由　你真的有說過
如果有　就讓你自由
這是我的溫柔

中板的調子，沉重的引子和間奏，帶出一種淡淡的無奈。阿信說：「的確我很喜歡挑戰這些我們已經『用濫』的二字詞彙，去擴充事物背後矛盾的意涵.......這些歌都沒有華麗的手法，都是比較口語式的說法，我想讓每個人都能簡單的懂，那人心中的幽微的盤根錯節。」

當我第一次聽到這首歌時，就十分喜歡了。歌詞實在是說中了心事，猶如一個側面。當中那種不了解不懂她眼中藏著甚麼，正好講出自己對她不甚理解所造成的不協調。為何？缺乏溝通吧，對著她，就是那麼不勇敢，或許是越著緊就越怕出錯。於是當中亦衍生不少誤會，甚至誤會到去想她也有她的世界，就像首歌所說，實在不用去打擾她。

最近，她聽到這首歌，說想起我。沒甚麼想說，只想說她不想成為我的不開心的來源，就讓她有個記者朋友吧。是的，我向她和盤托出，說得一清二楚，七七八八了。結果，那些盤根錯節，就建構在大家的想法和感覺的落差之上。

天真地想，或許加多些勇氣，情況就不如歌詞所說般無奈(或者更差也說不定)。但我還是十分喜歡這首歌，甚至是眾多國語歌之中最鍾愛的一首(其實我不聽國語歌)，畢竟，它為我分擔過很多失望和掛念。其實，讓這首歌來結束也不錯，至少她因此而想起過我。

冤孽

黑起上來有條路,我知呢條路去邊,去谷底。惡運係你每每以為衰運已經行完之時,再冒出來的一個孖生姊妹。上週以為到左谷底,今日直頭貼地,去到自我懷疑的地步。人地做得咁靚,自己個份就........可能我無比心機啦(從來都比過心機,最驚就係可能已經努力左)。又可能一時失手,但試多幾次都係咁?或者時運低呢,不過都低左兩個幾禮拜。相反別人口就話"我都唔知點解會做到ga",但係次次都work喎大佬,你扮野呀?!以前總係覺得月圓那幾日,最好運,做乜都爽手過人,懶浪漫......回想一下,發覺應該係真有其事,上次考試咁撟係新月,仆到直一直。咁咪好大劑?!一個月都要仆兩鑊,最慘就呢邪野,信則有,不信則無,而家想話比自己聽"唔信",想忘記都做唔到,入曬腦。如果pre-judge or exam個陣撞正新月就真係咩都唔使做.........今次真係要睇通勝擇個吉日先可以行事。

無印極品

上個星期不知做乜總係提唔起勁，乜都冇Post，乜都冇做。別人話我是來M，如果是來M也好，起碼也知道點解。反而為了這包白朱古力士多啤梨，我連跑帶走咁連續兩日踏足朗豪坊7樓。

早幾日，一位同事剛剛從日本出差返來，帶了盒白朱古力士多啤梨作手信。我很貪心，食o左好多粒，因為真係好好味！好好味！好好味！點講好呢？本來我不是太鍾意白朱古力，因為她不像黑朱古力般，有可可的甘香，很奶，真是一粒起兩粒止，連嗜食朱古力和甜品的我都吃不消。但有了清新而酸酸地的士多啤梨在，那股濃烈的奶味就冇訂企，令到白朱古力易入口得多。這是士多啤梨才有這樣的效果，還要原粒才行，因為脫了水的她口感鬆化(我想不到更佳的形容詞)，配合表面上類似種籽的東西，有得o趙o下，非一般士多啤梨醬所能媲美。反倒是黑朱古力配上士多啤梨也不行，因為可可味會蓋過士多啤梨味的。

至於食時亦有不同的感覺，就像食麥提莎般有不同食法(低俗是廣告的問題)。你可以放入口中，慢慢感受同忍耐白朱古力那種奶同甜，待士多啤梨出場後刺激味蕾，把奶味一掃而空，頗有「終於等到」的感覺。或者放入口之後即刻咬爛佢，酸甜立刻混和，就好像「品嚐」著士多啤梨味奶般，幸福滿瀉。所以嘛，白朱古力同士多啤梨的真是Perfect match來。

那天我放工之後，說得好聽點就係想重溫呢種感覺，其實就係自己為食唔夠喉，於是動身去買。香港那裡有這些人間極品賣呢？無印良品。記得上年已經在那裡買過來食，但之後想買又冇，至明白原來他們的食品真的是季節限定的，不像坊間好多寫著季節限定的食品一年四季都見到佢個樣，最明顯的例子是Melty kiss。唔知而家有冇貨呢？二話不說就搭車去旺角朗豪坊睇睇了。其實我是在紅隧轉火車的，當然旺角都方便，麻煩在是朗豪坊真是太豪太大座，行街係好，但帶著好想食好想食好想食的心情上去7樓，搞到好似登山咁，慘過真係登山。企o係度等升降機又難以平伏我按捺不住的食欲喎！

好了，幾經辛苦終於來到，那時9點幾，應該未收工o卦。但點知佢問口落o左閘o喎？唔知搞佢乜鬼提早收工，嘩，心情真係直跌谷底，晴天霹靂，十萬個失望，就好似封面寫著冇格的AV原來係有格一樣，得個睇字，還要是無奈地看。好，冷靜幾分鐘，平息了失望的情緒之後，立刻從谷底爬番上來，轉戰地點去零食物語搏一舖。「邊度有零食物語？」「邊度有零食物語？」「邊度有零食物語？」.....心入面不停問自己呢個問題。一輪搜畫之後卒之俾記起女人中心有，於是直去啦。點知又係冇，度了間舖幾次之後，買了一排同是M字頭的MEIJI士多啤梨朱古力食算。唉，真係比不上，不是那隻感覺。

第二日再接再厲啦，卒之俾我買到啦！但成$22包啊！就是大家見到的。包包的粒數不同，因為每粒士多啤梨的大小都不同。我一次過買了兩包。第一粒帶著失而復得的感覺，所以份外美滿。一粒接一粒，在步向火車站時已經KO了兩包，感覺如何？

想嘔。

冇錯，雖然好好食，但兩包已經係極限，始終白朱古力都係好奶。儘管如此，她始終是極品零食來的，冇損我對她的愛戴，諗起又想食，果真食色性也。大家都點買包試試啦！季節限定！季節限定！季節限定啊！

至於黑朱古力其實都有佢o既最佳配搭的，就是蕉，有機會再說。

時日無多

我講緊自己。 太多太多的物質要用金錢換取，而我最少的也是金錢。 就算是讀 blog 、 做網上寄生蟲，我也覺自己在燃燒青春。 又一次埋葬在自我責備中。

很累。 原因不外乎是工作、義工，我真的不懂得和自己不咬弦的人合作。我不想沾手切雞‧‧‧

像極了碇真治。

走投無路

bagaszine

我覺得自己都算係咁,未有新衫買之前就睇下袋囉,咪下雜誌都好,做好血拼的準備。行開行埋都唔覺得有咩好看好買,流連程度到自己都覺得厭悶。香港的好在於compact,地方細細咩都有得賣,但係咁細好快就行畢了,對我這些(window) shopper之輩來說。最後手段係睇下免費雜誌消磨一下時間,如果不是怕阻街,我可以係書得起看完數本雜誌,不過那兒已有很多書釘打死曬係度,還有我不大喜歡他們的服務態度(可能我不是熟客吧,不善於與陌生人吹水,沒辦法......),試過request一本N。magazine的back issue,良久沒有回覆,我都已記不起的時候竟然比我係佢地書架的當眼處發現有一千零一本,都唔諗得咁多,比左錢先算,後來先回想點解佢地有貨到都唔通知我?其中一個可能係本書just arrived,可惜我唔信。從此在書得起我都只看不買。不過近來咁dry,都係時候要買些雜誌補一補。
到手的是I heart Chloé tote bag, though overpriced, i like it anway~但係街上見到有Bernhard Whillhelm同pattern唔同款的出現,又抽起我條筋,仍然想買個back pack for summer。

舊情人

街上一對對的痴纏戀人們看得人眼冤,我不是沒有情人,但昨天我可是孤身一人走在街上的(正為當晚張羅),忘記了往年是在什麼情況下渡過情人節,應該沒有上街,因為意志力薄弱小小的人都會比滿街鮮花生葬及打冷震打死,今日又點會係度X-up.有愛侶的請珍惜,無情人的總會有天遇上,但有無人諗起"舊"的情人呢?
唔係你上禮拜飛起的那個,係日日叫你"早Ｄ返屋企"同問你"情人節去邊,要小心Ｄ"個兩個。年輕人總埋怨家中兩老唔比拍拖,唔比出夜街,說父母總是不明白年少青春的自己。你面前那個地中海老伯及發福黃面婆都是從蜜運拍拖結婚一路走來,他們年輕時的浪漫激情也許不比你少,到了今天你能想像實情是十多年的努力嗎?中國傳統的家庭觀念都打壓了父母在孩子面前一對的形象,彷彿在孩子面前談情恩愛會令自己及仔女落地獄,見到父母親熱就一係心理發展唔平衡,一係就必會"我想試"。唉........其實而家Ｄ後生,你就算咩都唔做,佢地都會落地獄,都會"想試",都會心理唔平衡啦。從子女的角度出發,我們又何時對兩老的情路情史表示尊重?看在眼裡都只是一片肉麻,但他們也許和我們一樣,受盡父母反對,排除萬難才走在一起,或是一樣偷偷摸摸地下情。今日你呀媽睇你條仔唔順眼,你何嘗唔係不能理解呀媽點解會揀呢件呀伯做老公。下次當你睇到就快嘔之時請幻想一下兩老比較年輕,還有點看頭的畫面,提醒你自己,他們也青春過。成件事即時好睇好多,幾花樣年華~
友人被媽媽帶往一同捉姦(爆!),說忍了多年已不能再忍,是時候讓他明白家中的真實情況。初時我還說伯母為何不等到他學成歸來後才相告知,早說可能影響學業呢。到了今天,我理解伯母這一著不無道理,她只是一個被背叛的女人,還有一子,撐到今時今日,不是我們可以一言一語給與批判的。不過都唔係父母獨大,你地都後生過,知道我地要拍拖,要玩又點勸得到,勸都無用...................咁你地仲勸!仲煩我!係咪真係劇情需要?唔通沒了這些阻撓我地先至會心理發展不平衡?

看書看出一個「飄」

台灣友朋形容 slow core 為緩飄
近來讀書找到「飄一代」的解釋，節錄如下：

只喝包裝水﹔ 　　不訂報只買報﹔ 　　只租房不買房﹐只打的不買車﹔ 　　寧肯煲電話粥也不寫信﹔ 　　既不跟父母要錢﹐也不給父母錢﹔ 　　睡過床墊﹔ 　　不吃早餐﹔ 　　裸睡﹔ 　　至少熱愛一項運動﹐哪怕是床上運動﹔ 　　對哲學敬而遠之﹔ 　　不承諾﹔ 　　只穿舒服的鞋子﹔ 　　不為健康犧牲嗜好﹔ 　　沒有年齡感﹔ 　　拒絕圈子﹔ 　　跟再好的朋友也不借錢﹔ 　　時不時“人間蒸發”﹔ 　　扔東西時從不心疼﹔ 　　不把情人帶入朋友圈﹔ 　　居室可能很簡陋﹐但至少有一張舒服的沙發﹔ 　　可以不看書﹐但一定要看碟﹔ 　　絕不送行﹔ 　　從不歧視同性戀和愛滋病﹔ 　　不戴手表﹔ 　　不帶雨傘﹔ 　　不在公共場合談論嚴肅的話題﹔ 　　老找不著東西﹔ 　　愛過很多次﹐但從不為誰要死要活﹔ 　　生病能不去醫院就不去醫院﹔ 　　懶得存錢﹔ 　　找他們的最好方式──EMAIL﹔ 　　熱衷于嘲笑中產階級﹔ 　　對喜歡的東西不計較價格﹔ 　　傾向于佩帶不那麼昂貴的飾物﹔ 　　悄悄地結婚﹐絕不舉行盛大的婚禮﹔ 　　不愛過節﹔ 　　不在乎別人的看法﹔特別喜歡“追新”﹔ 　　想到什麼說什麼﹔ 　　從不認“同鄉”﹔ 　　從不大驚小怪﹔ 　　養寵物不養小孩﹔ 　　注重包裝多過內容﹔ 　　不按點吃飯﹔ 　　房間很亂﹐但想要的東西觸手可及﹔ 　　只要需要﹐不在乎做任何工作﹔ 　　不對別人噓寒問暖﹐也不喜歡被人噓寒問暖﹔ 　　認為早睡早起的人是乏味的﹔ 　　無法停止幻想﹔ 　　認為晚上比白天好。

來源:新周刊

幫幫手

http://www.my3q.com/go.php?url=nyltp/95284
我份畢業功課,各位朋友仔,幫幫手做呢份問卷,同時forward比其他人。呢份問卷只係for男仔做,所以命中率減半,敬請forward比你能力範圍內最多人,萬分感激,無以為報,兩脇插刀。

廷伸閱讀

我的台灣朋友，湯姆湯
他的 blog 也有提及 ppaper
大家可以看看

殘品爛牌之logo mania

第一年同情人過情人節,值得紀念之餘,要寫又有點娘,係寫都等到過左節先回顧甜蜜啦,不過週邊事物都可能會一寫。
昨日鬼掩眼睇左Y-3今冬的runway fotos,大家仲記唔記得Y-3呢個品牌?不知第幾個被香港玩殘了的品牌,我信它的爛有90%源自街上的用家,一個山本耀司+Adidas點都鬥唔過銅鑼灣+尖沙咀+旺角。點知今云來了幾個Yohji+幾間Adidas,是山本先生看穿世情還是只不過食返老本?無關係啦,我喜就是(只限今季),都係想要佢種風味,如何得來又何相干?又黑又形又有毛又有雀(只要唔係一個大Y-3印係背脊就咩都好啦,不過批相係無影後面,係咪虛火,要實物見街先知),日本梗係無禽流感啦.......不過點解運動品牌會有恤衫?唔理,學老師話:最後,咩都假,最緊要靚!這是我繼YohjiXAdidas未變成Y-3之前,第二次對它萌生購買慾。說穿了不就是似Y-3 的前身嗎?那種Yohji多於Adidas的設計,卻又跟某些Adidas自家參考Yojhi的設計很相像......又是這個道理,都是過去的好,因為已逝。看來今個冬天會幾靚喎.......唔使等各本雜誌迫大家睇來睇去都係Ｄ唔靚O既衫(其實做雜誌的也沒有選擇,一來讀者要看,二來又真係全部都核突嗎,點揀呀!一係唔寫Ｏ既蔗)。唔放相,廢事咁多人咁早知道呢單料。我要佢入面有羽毛個Ｄ野,西裝褸,同埋隻烏鴉!靚!
峰迴路轉第二擊:以為Ｂ仔跑出,點之殺出個與友人ex-傳聞情敵同名的品牌tote bag,大大隻i luv XX撻係個袋上面。到手再談。

消費主義

當 skool library 還有多本未還的書、 amazon 的 wanted list 在不斷增長中 ‧‧‧ 我還是在週五走到旺角作“大規模”購書。











嘩！第一眼已經對自己說「必買」！
內容其實在各大網站早已拜讀，但手上的實物 ‧‧‧ 大家是會感受到一眾 otaku 的熱血！










人家說“慢活”，我一直認為自己簡直是當中的表表者
一本林先生的書，依然的一貫內容。 自從 boss 的一頓午餐過後，學會了對「文化宗教團體」的人們多一層閱讀。

袋,係要常換的

出過圖post,比人話無心機,人地Ｄ文筆咁通順流暢,你個Ｄ字(係字,連文筆都唔配)就睇唔明,X!我今日就出字post!
時裝最賣錢的item係咩?不就是袋。昨日與三名後生仔傾左一個鐘,題目都離不開時裝,潮流(係呀,我個畢業論文題目就係潮流雜誌,時裝。咩話?你都想做?好丫,你做埋我個份丫)。雖沒有獨步見解,但每一句都係打從心底的由衷之言,要知是次我並無比車馬費佢地,連我請飲野佢地都話唔使,我相信佢地無虛言,因為講到衫,我地都發光。男裝衫難買,鞋與袋都算係當中表表者,不過今日唔講鞋。講袋,因為我近來想買袋。時裝就是你有一日會感到厭悶的,timeless的不叫時裝,叫style.所以有人話你有style,不代表你好潮,vice versa.我憑畢生精力盡量避免與人撞衫,試過撞到正,非筆墨所能形容,所以我買得比較小心。袋我更加唔想撞,不過男士們在港買袋又有幾多選擇呢......Porter, Gregory, agnes b.都不用提啦。LV, Gucci我又不好,咁點呢?瀟灑到唔用袋又不行,我的銀包(那些喚作clutch)大到可以手拿扮演貴婦,或夾於腋下扮演同胞。幸好早些年前遇上Jeremy Scott,基本上他的所有袋款我都喜。我後知後覺,買入之時已沒人用了(因他的袋出名在不耐用,快殘),我更名成言順樂於擺上身,源用至今(我共有三個,全都是signature pieces,最近也破例為他買下backpack,最耐用,因為係同Porter合作推出的。又係Porter............)。如果唔想撞袋?當然就要一個獨一無二的,所以最好自己做一個,包唔會撞啦。不過此終都係手作仔,一來唔耐用,二來用得多弄髒了我又唔捨得。終極選擇就係女裝,香港無及特別款(通常都唔好用)。呢三項做過曬,都仲有個choice叫vintage,即時upgrade你品味。Bernhard Willhelm就提得多,袋我都有兩個,但靚野又點會嫌多,我諗住再encore.仲要係紅色backpack款,心血少Ｄ都唔敢擺上身(絕對唔係近一季係街度撞到九彩個幾款)。現在男人可以次次換,又唔會比人笑,更唔會比人話姿整的袋,怕且就只有避孕袋吧。大時大節又到,我都考慮送個袋比某某(唔好心邪)。
笑話一則:友人話見到又聽到有兩個中學生係街度指住個現時好流行的backpack話"呀~我都想買個geography袋呀"。

明報新聞一則

中西情人節接踵而來為男女締造談情談愛的良機，期間擦出的激情到底能維持多久呢？答案是18個月後就會消褪。

美國《華盛頓時報》報道，男女在戀愛時互相產生幸福感，這並不單靠對方外表散發的性吸引力，還有體內腎上腺素、多巴胺、正腎上腺素和苯乙胺醇(巧克力也含有這種成分)這類的自然化學作用，擦出激情火花，但持久力並不太長。

科學家研究得出愛情其實牽涉到人體微妙化的化學物質、荷爾蒙、生理及情緒等反應的排列組合。兩性之間吸引力的化學作用時間，不會持續得太耐，激情從18個月後就淡出，3年後更消失得無影無蹤。幸好造物主並沒有弄人，取而代之這種痴戀感就是能維繫長久相愛感的「催產素」。

最近撰寫《零號愛情香水》的柯魯絲說，「催產素」是一種神奇的化學物質，它在男女親熱時會自然分泌出來，產生滿足及依戀的感覺，像這類的荷爾蒙會驅使男女追求長相厮守的性愛關係。渴望天長地久愛情的情侶若要保持「催產素」的分泌，最重要是遠離壓力及恐懼，以免它們破壞好事。

果然，幸福就是朱古力，愛情是食得落口的。

估下邊一張攝於今年?

真偉大

undercover和sillything的聯名新作，如圖。

靚嗎？

唔多覺。在我心目中，undercover的圖案應該走怪異路線和多元化，好似o的骷髏骨呀、怪物呀、內臟呀之類，斷唔係單單這個圓菇碌加個U字就話係new u mark的，好似舊磁石呀, you know? 喂，你可能會駁我：「undercover乜都玩過晒啦，有o的咩o野未玩過？骷髏骨出過、骷髏骨搭怪物又出過，間中都要單調o下架，係咪先？」係，冇錯，清一點係好，但點解唔畫個太陽落去？或者月亮啦？再唔係太陽嘴月亮試o下囉，斷唔係單單這個圓菇碌加個U字就話係new u mark的，真係好似舊磁石呀。作為登陸香港的頭炮，點解用舊咁單調o既磁石做Tee圖案呀？

我係咁諗的，三分鐘前。

但而家又覺得佢幾得意了——當我將個圓菇碌看成為塊面，個U字看成個鼻，下面一橫看成個口時，嘩，即刻卡通o左唔知幾多，磁石o既感覺唔見晒。我個腦入面仲幫佢加埋手手腳腳添。

於是，呢件Tee就盛惠$780，仲可能爭先恐後打死罷就咁衝去先買到。

那麼，乜o野咁偉大？高橋盾？TK？衝去買班人？"new u mark"？定係舊磁石？

呵呵，當然係我個腦啦，將個咁乏味o既標誌睇到咁卡通，係咪先？不過就送俾我都唔會著，本人唔係sillything工作室團員啊，不會說「本當，大感動」的。

(千祈唔好留言話個mark本身己經係個人樣呀，只會令到我個腦更偉大架咋)

SHITS

Guys, im switching back to english, just for 1 day. Shits, we made a lot of shits everyday everwhere. Today,i shitted all over myself...........頂,我知道我唔轉返中文真係搵鬼睇,香港英文文盲多。今日興高采烈地上textile design課,做printing.終於一日不用對著文字,開心都來不及,點知個口笑得太大,真係食左屎都唔知.......今次個topic係equestrian同時為一sch function的t-shirt design contest,,宗旨在提升大學生對馬術運動的興趣(?!).......大佬呀......邊間U有馬場呀?頂硬上。開場自己洗silk screen已經係笑話,用個刷刷落去泥啡色顏料度直頭似係洗緊屎坑,我同白靈兩個都係咁eel....eel...eeel,高潮係洗完之後lab tech出場"個邊有Ｄ新淨的screen喎"......................我地好似Paris & Nicole in Simple Life.無論我落手去印,或是tutor親自操刀都係出事。最後出來的較果又似sm,又似bra, what da...........
<開頭都好地地 有相為証>
後面靚好多>








SnV vintage 斷碼 deadstock>

第一次

你的第一次係點o既呢？我的第一次就係你地而家見到o既了——冇錯，這是我第一次寫Blog，唔計自己Blog那次Testing的Hello。

「咦，你唔係個個星期都要寫o野交稿的嗎？」冇錯。「你好愛文字嗎？」麻麻。「你無處發洩嗎？」看看邊方面。「咁仲寫？」冇錯，本人的確係每個星期都要搞盡所餘無幾的腦汁寫寫寫(其實係打打打)，就算冇貨到都要繼續寫(打)，等於AV工業那些汁男一樣，冇都要「打」到有，真累人。點解仲要寫，就係有些東西唔可以係o個度發表囉，好似呢o的：

話說今日晏就訪問某位Dj，佢平時俾人o既感覺都幾搞笑的，但真人竟然係串串地，叫佢駛架車去附近又唔多願意，態度差(未至劣)，一副不耐煩的樣子，好似趕時間咁(我地冇遲到)，問佢：「可否影o下架車入面呀？」「有乜好影o者！」「可否擺o的鬼馬表情呀？」「冇！」一句好爽快咁拒絕o左。不過，佢果真係Dj來，得把口，最後都合作就範。我同事就三番四次咁利用語言同動作，包括用筆記簿遮住中指來表達對佢o既不滿。我就不以為然，當睇戲囉，至緊要交到差。或者佢真係多o野做同趕時間呢，每個人都有情緒o既，少少都可以接受。之後訪問都冇乜o野，有講有笑。總括來說都尚可。當然，如果一開始和顏悅色的話就梗係有大將之風啦！又當然，太衰的話咪寫衰o的囉！個遊戲係咁玩架啦，呵。(等我做o左老闆o既時候就會咁玩。)

其實，十個Artists有9個都係咁上下，冇咩奇，奇就奇在有o的係因為唔鍾意某些POSE而唔合作，有o的就因為肚仔餓而黑面，咩原因都有，得啖笑。咁有冇邊個好呀？有，Janice囉，聽講很Nice，初出道時來公司接受訪問，之後竟然同晒所有同事(包括Art)握握手做朋友。咦，會唔會多o左？唔會，女仔唔嫌多，只要唔係老o既醜o既豬扒o既，就可。

呼籲：快點加入傳媒行業，一齊打......唔係，係握手。

半肥瘦

今日又再想不到有意義的命題,最後的歸宿都只有時裝,這是現實的寫照嗎?
這一年來身段都有所改進,一是暑假都上班去,二是真的付出了小許努力,到現時有些微看頭。盡其量是舊靚叉燒---半肥瘦。男裝從來都難買(得靚),沒有吸毒身裁更難在仆街細身風下脫穎而出...........路就總是有的,只不過好多人都唔睇。市面可以給我如斯身形的著得見人都有可揀(我不會去買34寸的Dior Homme jeans,平平都ng買)。Bernhard Willhelm & Kim Jones的衫都是只有肥肥地先著得好睇,兩子的runway model都是有肉地又不是fit到漏油之輩(明顯就是他倆的個人喜好.....也是我杯茶~)。sweater也是這兩個品牌的拿手好戲,每季都有,還要是好看的。名牌的我都愛買sweater,貪其沒有suit or jacket般超現實,易穿,也較平呢。半年下來買了不少品牌sweaters,這種天氣一套上就是了。sweater有時難以介定,我說jersey比Tee料厚,long sleeves, no botton nor zips就是。以前我愛玩print,大花,現在低調得來浮誇更合我,新種sweater也是買不完。著起一件普通sweater又有Ｄ野先至勁,又係沉默地語不驚人誓不休。
賣飛佛>down sweater仲算唔算sweater?









講起肥肥地,你真係好得意。

wallpaper

He is no fuckin' artist.

為了平反我無什文化的形象,我決定今日不說三道四,而說說藝術。還好,我尚能說出兩三個藝術家的名字(Wing Sha唔算),總算沒獻醜。人人都可以做藝術家,只要有作品。我想藝術真的很抽象,畢加索和幼兒的畫總有點相似,區別就只有哪一位是懷著藝術的心態作畫。所以我介定藝術品為懷著藝術心態製作的出品(請不要challenge我,因我沒說我是對,也沒叫你認同我)。我想我與Maurizio Cattelan有著丁點相同的心態吧。
最初遇見Cattelan的作品是什麼時候的已忘記了,大概是當時我要為design assignment找inspiration.有可愛,有震懾人心的,他大概成名在於他的irony & humor。我也喜愛他語不驚人誓不休的作品,不是正正是我們這一代所追求的嗎?下跪的希特拉,被meteor擊倒的教宗,這是installation的魔力。藝術的傳義在每人眼中都不會相同,最基本的教條往往都被莫視,誰沒有恥笑過不懂你所愛的音樂或書畫的人之見解?再說,我文筆不好,怎樣落力也不夠說服力,若我堅持要你明白我的想發,不就跟藝術沒有肯定setting的信念相違背?要看請到以下網址,自己看最傳神:
http://www.designboom.com/eng/interview/cattelan.html
現時正重整我電腦儲起了的相,有不少是cattelan的,可以用來造collection的靈感吧。我喜歡installation,沒有比置身作者幻想的空間更奇妙,可能我是歡喜實實在在立本的物件。一場fashion show是不是也可說成installation?
賣飛佛>

有人睇過好不安,但我其實好鍾意,成個意景好和諧。
中文真是很難寫得賞心悅目,下次可能還是用英文好了。
孽緣,家家有本難諗的經,你的成熟足夠應付當前的問題。

KYLIE MINOGUE

又一週,打字打到曉飛之時卻無法繼續落去(真係想Ｘ爆班唔生性仆街,奈何有事相求),唯有轉轉戰場,寫寫我仍未厭倦的blog,出出post.
昨日做左最養命的活動----行街。此行街不同普通行街,是帶著強烈血拼慾望的。我無錢,我們可是到訪了HN, joyce及D-mop呢。驚嚇位係HN,驚喜位卻係PageOne.
Kylie Minogue呀!$18呀!中文呀!仲唔襯我個不知性感為何物的朋友到來之前買下,不過最後都等到佢到我先示威。是一本名為ppaper的月刊,台灣出品。有人知道它是否under 7-11?因我發現期號下印上了7-11 logo.翻閱時發現,字裏行間都滲著熟悉的感覺。是"士多"啊!是似縮左版之後,變英文前的士多呀,是陪同我過A-level的士多呀,是有本事令Tiffany都變得更有氣質的士多呀!
都只是相似然而,不盡相同,士多其中一樣好就是它的不再存在。書中的文字都比香港同級的雜誌好看,大概是因為台灣出品吧。吸引我買的都是Kylie, 她出現在中文刊物的機會微乎其微(是封面呀!),有機會還不把握?!更何況都只是$18,試問哪本中文雜誌賣$18會有Kylie?!很喜歡書中對Kylie的一番見解,從她的身邊的人出發去探討她的成功。我非常認同,它都道出了我對Kylie鍾愛的原因:她不是開始時就是如此,她是有歷史的,形象得來不易。她的吸引不是來自她的性感造形,而是她的性感。這是大大大不同的。她就是性感,因為她很女人。這不是本地女星或大部份國際女星或女模做得來的。無計,破例為她娘一次:Kylie是性感在骨子裡的。我文筆不好,書中自有更好的傳譯。真,這$18是值的。請不要認為我從好色的覺度出發,熟悉我的人也知我不會。可是世人從來都她是性幻想對象或模仿對象。(男女皆是!男士及同志們都站起來吧!)國際巨星不是虛名,她的努力是貨真價實的,音樂也真是很好(不是形,是很有形。不明白或不認同的人請再認真""看看",她不只是聽的,要你看才是目的)。如果大家都覺劉華能憑努力補過他的表現,那Kylie一定值的世人的愛戴,還要是熱愛。$18不夠她渡過癌關,你不買,對不起的是你自己,因你走漏了眼! ppaper不單有Kylie,內還有時裝文化飲飲食食,蠻好看的。
同日還購入了Dased & Confused Feb issue,未讀。
呢個blog都幾統一ga,ahshun講起舊雜誌amoeba,我都講起士多,兩者都很值得懹念,兩本我有儲起最後那幾期。
緊急通告,肖鼠人仕注意,宜配顏色可能有變,未能肯定。妖......本本書同報紙所講都唔同!

夏侯露茜

打從第一期《cream》便叫人眼前一亮的 zine editor
如果沒有她， silly thing 的 "注目度" 可謂零
從她的 blog 所見，"k list" 與我的可是十分相似
一直認為，"我們" 都是哺 amoeba 的奶長大的

http://www.think-silly.com/luci/

FIRST

nova / gapplay 開張
有云一年之計在於春，我們又一次以"有前無後;打死罷就"大無畏精神進攻 blog 界。 近月常覺得時間太少，但長時間守候在 pc / mac 前而無所出，此為 "mind block" 是也。 最近在想 fyp ， 目標以旺角西洋菜街為起點；向外擴展以涉獵 SI 、社會學、soundscape 等。 會在此向外發佈，對得自己對得人。


注： 我的中文是實實在在的差！

Viktor & Rolf X Dior Homme

現在春裝快上架,各大潮誌潮人時裝人紛紛爭崩頭鬥快講06春夏......其實都SS runway都行左十世,06 AW而家都進行中,都唔知係咪嫌我地既四季轉得唔夠快。著我就無本錢同人鬥快,講我都仲可以爭一日長短。我講06 AW仲唔快過全部人~Ahahahahha.....(fade out)

Dior OWN>
不深究Hedi的inspiration來自哪。(好可能來自外星人........應該季季都係;更懷疑靈感來自Vikto & Rolf,是Viktor與Rolf本人,不是衫)
批相黑到你盲,有幾張我只見得到model個頭。Kate Moss毒海沉淪過後係咪回頭是岸我不與置評,但Dior Homme今冬都跟到足,飛起Pete之餘都將回歸上流。衫繼續tight,不過褲就闊左。至少不用吸毒去著,但現代褲還是有的.........
不用踩鋼線去著是最得我心既Dior,且看我幾時own埋佢。
Wyman下下講,你又何時見到佢著到Dior men咁?今次個彊屍伯爵look都可以襯Halloween先著為快條領巾及西X牛褲都熟口熟面,類似的雙褲頭香港都玩過。
諗到新野再講。
VS










註:我的中文也很差啊~但呀信你寫得還是比我好~我是不是很書面呢?hohohohoho我何嘗不是面對behind schedule的FYP, 又何嘗不是mind block.部ibk仲日暫污穢....................

下期預告:encore 06 AW? $18買起Kylie Minogue>"ppaper"?



VS









似唔似?

HAPPY friday

呢個blog唔係基於人有我有的心態,我地唔做娘野。
憎人富貴厭人貧先至係我地天性,
所以係人做得到,我做得好才對。
歡迎所有ex-SnV成員contribute.
熱切期待06 SS新貨全數上架之時,
先有BLESS N。27 eased up,怕且最耐穿算今季。
如果當真鐵價不二,但易襯易穿我仲買唔買好?
老鼠今年宜配襯金,銀,白,三色,桃花強勢持續至今年7月。

one step closer

test01

yeahyeahyeahs!